Dregið var í happdrætti BSÍ í apríl síðastliðnum.  Stærsti vinningurinn, sem var ferðavinningur frá Heimsferðum að verðmæti krónur 200.000, gekk út að þessu sinni.  Vinningshafinn var Kristrún Þórðardóttir en 13 ára badmintoniðkandi hjá KR seldi miðann.  Við óskum Kristrúnu til hamingju með vinninginn.

Ragna Ingólfsdóttir keppti nú rétt í þessu við Jeanine Cicognini frá Sviss og tapaði leiknum 8-21 og 18-21 á Bitburger Open 2010 mótinu. Sú svissneska var röðuð númer sjö inn í einliðaleik kvenna á þessu móti en hún er númer 37 á heimslistanum. Ragna stóð sig mjög vel en hún vann tvo leiki í forkeppninni örugglega. Ragna hefur því lokið keppni á mótinu. Smellið hér til að sjá fleiri úrslit á mótinu.

Badminton Europe hefur sett á laggirnar nefnd sem skoðar stöðu evrópskra kvenna í badminton. Fyrsti fundur nefndarinnar var núna í lok ágúst í París í Frakklandi.  Sigríður Guðbjörg Bjarnadóttir formaður Badmintonsambands Íslands situr í nefndinni.  Fyrsti fundurinn fjallaði almennt um stöðu kvenfólks í badminton og skoðuð voru tækifæri kvenna í íþróttinni.  Fundinn sátu Christine Skropke (Chair / BE Director for Marketing), Corina Dan (Romania / BE Director for Public Relations), Nora Perry (BWF Chair of the Women in Sport), Lidija Petrinovic Zekan (Croatia), Tanja Berg (Denmark), Isabelle Jobard (France), Sigridur Bjarnadottir (Iceland), Brenda Barry (Ireland), Cecilia D'Angelo (Italy), Kari Bunes (Norway), Zuzana Dolinayova Kutlikova (Slovakia), Johanna Persson (Sweden) Staff: Lina Engl (Development Manager).

Ragna spilaði í gær í forkeppni Bitbrger Open 2010 mótsins í Þýskalandi.  Hún spilaði fyrst við Kim Buss frá Þýskalandi og vann hana 21-19 og 21-9.  Þá keppti hún við Lindu Sloan frá Skotlandi og vann hana 21-14 og 21-15.  Ragna er því komin inn í aðalkeppnina sem hefst í dag.  Hún mun keppa við svissnesku stúlkuna Jeanine Cicognini sem er röðuð númer sjö í einliðaleik kvenna.  Sú svissneska er númer 37 á heimslistanum en Ragna er númer 125.  Smellið hér til að sjá meira um Bitburger Open 2010. 

Heimsmeistaramótið 2010 í badminton hefst í dag í París í Frakklandi. Danir eiga sterkustu badmintonspilara Evrópu auk Fransmannsins Pi Hongyan. Í einliðaleik karla eru vonir bundnar við Peter Gade en höllin sem spilað er í er einn af hans uppáhalds badmintonvöllum. Gade er raðaður í annað sæti í einleiðaleik karla en Chong Lee frá Malasíu er raðaður í fyrsta sæti. Í einliðaleik kvenna er danska stúlkan Tine Baun (áður Rasmussen) röðuð í fjórða sæti en hún er sterkust Evrópubúa inn í einliðaleik kvenna. Í fyrsta sæti er röðuð Yihan Wang frá Kína og í annað sæti er röðuð Saina Nehwal frá Indónesíu. Juliane Schenk frá Þýskalandi sem er okkur hér á Íslandi kunn er röðuð í áttunda sæti í einleiðaleik kvenna. Til að lesa meira um Heimsmeistaramótið 2010 smellið hér. Til að sjá niðurraðanir og tímasetningar á Heimsmeistaramótinu 2010 smellið hér.