Kári tapaði í undanúrslitum á Barbados

Kári Gunnarsson lauk keppni í gær á 2019 Carebaco International en hann mætti Timothy Lam frá Bandaríkjunum í undanúrslitum. Timothy vann gríðarlega jafna fyrstu lotu í upphækkun 22-20 og vann svo þá seinni 21-17.

Timothy Lam mun þá mæta Sam Parsons frá Englandi í úrslitum mótsins í dag.

Kári heldur ótrauður áfram í vegferð sinni að Ólympíuleikunum og eru næsta mót hans í Hvíta-Rússlandi og síðan í Úkraínu.