Íslandsmeistarar í badminton krýndir í dag

April 7, 2019

 

 

 

Meistaramóti Íslands í badminton hófst í Íþróttahúsinu við Strandgötu í Hafnarfirði á föstudag. Á mótinu er keppt um Íslandsmeistaratitla í fullorðinsflokkum og er allt besta badmintonfólk landsins skráð til þátttöku. Í dag verður leikið til úrslita.

 

Úrslitaleikir í meistaraflokki hefjast klukkan 12:45 og verða í beinni útsendingu á RÚV. 

 

Íslandsmeistararnir í einliðaleik 2018 þau Kári Gunnarsson og Margrét Jóhannsdóttir eiga bæði möguleika á að verja titla sína en Kári mætir Kristófer Darra Finnssyni og Margrét mætir Örnu Karen Jóhannsdóttur í úrslitaleiknum. 

 

Bæði Margrét og Kristófer leika einnig til úrslita í tvíliða- og tvenndarleik. Þau spila saman í tvenndarleik og verða andstæðingar þeirra í úrslitaleiknum Daníel Jóhannesson og Sigríður Árnadóttir. 

 

Í tvíliðaleik kvenna mæta þær Margrét Jóhannsdóttir og Sigríður Árnadóttir sem eru ríkjandi Íslandsmeistarar þeim Erlu Björgu Hafsteinsdóttur og Drífu Harðardóttur. Kristófer Darri Finnsson og Davíð Bjarni Björnsson spila gegn ríkjandi Íslandsmeisturum, Jónasi Baldurssyni og Daníel Jóhannessyni, í tvíliðaleik karla.

 

Leikið verður til úrslita í A, B og öldungaflokkum klukkan 8:30-11:00. 

 

Yfirlit yfir leiki dagsins má finna hér 
 

 

Íþróttaáhugafólk er hvatt til að koma við í Íþróttahúsinu við Strandgötu í dag. Allir eru velkomnir og er aðgangur ókeypis. Í tilefni af 60 ára afmæli Badmintonfélags Hafnarfjarðar síðar á árinu verður áhorfendum boðið uppá kökur og kaffi.

Please reload

Recent Posts

November 18, 2019

Please reload

Archive

Please reload

Tags

I'm busy working on my blog posts. Watch this space!

Please reload

©2017 BY BADMINTONSAMBAND ÍSLANDS. PROUDLY CREATED WITH WIX.COM