Stjórn BSÍ samþykkti þann 8.júlí 2021 nýjar mótareglur.  Þar kemur eftirfarandi fram um félagaskipti :

​

11. grein

​

Félagaskipti leikmanna

​

11.1  Félagaskipti leikmanna skal tilkynna til BSÍ með því að aðildarfélög  og leikmaður fylli út þar til gert félagaskiptaeyðublað sem má finna á heimasíðu BSÍ.  Sé um erlenda leikmenn að ræða, þurfa þeir að hafa formlegt leyfi síns sérsambands til félagaskiptanna, þar sem jafnframt fylgi leyfi til keppni á Íslandi.

11.2   Einungis er hægt að skipta einu sinni um félag á keppnistímabilinu.

11.3 Félagaskipti taka 30 daga að ganga í gegn frá því viðkomandi félög hafa tilkynnt BSÍ um þau.

11.4   Einungis er leyfilegt að keppa fyrir eitt félag, þrátt fyrir að viðkomandi geti verið félagsmaður í öðru félagi á sama tíma.

11.5   Upplýsa skal um öll félagaskipti á heimasíðu BSÍ.

11.6   Komi upp ágreiningur um félagaskiptin skal Stjórn BSÍ úrskurða í málinu innan mánaðar frá því að ósk um félagaskipti berst. Úrskurði þessum getur íþróttamaðurinn eða aðildarfélög BSÍ kært til dómstóls ÍSÍ.