Search
  • annamargret5

Íslenska liðið lýkur fyrri umferð liðakeppninnar á HM unglinga í dag


Gabríel Ingi, Guðmundur Adam, Lilja, Hrafnhildur Edda og Eiríkur Tumi


U19 landslið Íslands mætti degi seinna til Santander en plön stóðu til eftir smá ævintýri á leiðinni. Liðið missti af tengiflugi frá London og þurfti því að taka flug daginn eftir. Þetta varð til þess að ferðatöskurnar lentu á vergangi um tíma og þurfti liðið að aðlaga sig að þessum aðstæðum. Sem betur fer mundu allir eftir því að pakka öllum keppnisbúnaði í handfarangur og gat liðið tekið æfingu kvöldið sem þau mættu.


Keppnin hófst svo 17. október. Ísland átti Indland í fyrstu umferð og Ástralíu í þeirri seinni þann daginn. Helgi landsliðsþjálfari var búinn að fara vel yfir markmið liðsins og væntingastjórnun þar sem Ísland er í riðli með afar sterkum andstæðingum. Íslenska liðið tapaði 5-0 í báðum umferðum. Þrátt fyrir stórt tap þá eru leikmenn að fá afar dýrmæta reynslu og mesta stressið er að rjátlast af þeim með hverjum leik.


Gabríel Ingi og Guðmundur Adam


Í dag 18. október spilaði Ísland við Slóveníu í fyrri umferð og átti liðið góða leiki og var því svekkandi að tapa 5-0 því liðið átti miklu meira skilið að sögn Helga. Gabríel vann eina lotu í einliðaleiknum og Gummi og Tumi eina lotu í tvíliðaleiknum.


Klukkan 15 í dag á íslenskum tíma mætir liðið Kína sem er talin sigurstranglegastir á mótinu. Því er vitað að við eigum á brattan að sækja en eins og fyrr segir þá er landsliðsþjálfari búinn að fara vel yfir hvaða markmið íslensku leikmennirnir eiga að einbeita sér að í leikjunum og áhersla er á jákvæðni, framfarir og skemmtun.


Beint steymi á Ísland – Kína: https://www.youtube.com/c/B%C3%81DMINTONSPAIN

152 views0 comments