Meistaramót Íslands hélt áfram í dag, föstudaginn 26. apríl, í íþróttahúsinu við Strandgötu, í Hafnafirði.
Badmintonfélag Hafnafjarðar sér um umgjörð mótsins ásamt Badmintonsambandi Íslands. BH er einnig með sölu á RSL vörum og frábæra sjoppu með ýmsu góðgæti.
Dagur 2 hófst kl. 16:00 og stóð keppni til 21:30. Margir spennandi og góðir leikir voru í dag og mjög vel var mætt í húsið til að hvetja og horfa á frábært badminton.
Hægt er að sjá alla leiki og öll úrslit á Tournament software og myndir á facebook síðu Badmintonsambandsins.
Á morgun, laugardaginn 27. apríl eru úrslit í öllum deildum og flokkum;
kl. 09:00 verða úrslitaleikir í 1. og 2.deild, bæði karla og kvenna.
kl. 10:00 verða úrslitaleikir í tvíliðaleik í 1. og 2. deild, bæði karla og kvenna.
kl. 11:00 verða úrslitaleikir í tvenndarleik, í 1. og 2. deild.
Verðlaunaafhending verður eftir lok allra leikja í hverri umferð.
kl. 12:30 verður verðlaunaafhending fyrir Deildakeppni BSÍ 2023 - 2024, í öllum deildum.
kl. 13:00 hefjast úrslit í Úrvalsdeild en röð leikjanna er eftirfarandi;
Tvenndarleikur: Kristófer Darri Finnsson og Drífa Harðardóttir TBR/ÍA gegn Davíð Bjarna Björnssyni og Örnu Karen Jóhannsdóttur TBR
Einliðaleikur kvenna: Sigríður Árnadóttir TBR gegn Gerdu Voitechovskaja BH
Einliðaleikur karla: Róbert Þór Henn TBR gegn Kára Gunnarssyni TBR
Tvíliðaleikur karla: Kristófer Darri Finnsson og Davíð Bjarni Björnsson TBR gegn Daníel Jóhannessyni og Jónasi Baldurssyni TBR
Tvíliðaleikur kvenna: Sigríður Árnadóttir og Arna karen Jóhannsdóttir TBR gegn Drífu Harðardóttir og Gerdu Voitechovskaja ÍA/BH
