Reykjavík International Games 2020 - Unglingameistaramót TBR fer fram um helgina í TBR, Gnoðarvogi 1. Mótið hefst á morgun kl 09:00. Mótið er hluti af unglingamótaröð Badmintonsambandsins og gefur stig á styrkleikalista sambandsins.
159 leikmenn eru skráðir í mótið að þessu sinni. Líkt og síðustu ár kemur fjöldinn allur af færeyskum spilurum en eru þeir um 60 talsins í ár. Auk þeirra eru foreldrar og þjálfarar og er því heildarfjöldinn um 120 manns sem koma til Íslands vegna þessa móts.
Má búast við mjög skemmtilegri keppni í öllum aldursflokkum.
Með því að smella hér má finna niðurröðun mótsins auk tímasetningu einstakra leikja
Comments