Drive 2 tapađi naumlega

Magnús Ingi Helgason spilar með Drive 2 í vetur. Liðið leikur nú um hvort það falli úr þriðju deild en spilað er í tveimur riðlum. Um helgina lék Drive 2 gegn Lillerød 2 og tapaði naumlega 6-7. Magnús Ingi lék annan tvenndarleik og fyrsta tvíliðaleik karla fyrir lið sitt.

Tvenndarleikinn lék Magnús með Lea Elm Jensen gegn Lars Pedersen og Eva Pedersen. Magnús og Jensen unnu 21-18, 21-12.

Tvíliðaleikinn lék hann með Christian Westergaard Nielsen. Þeir mættu Martin Weber Schmidt og Lars Pedersen sem unnu 21-15, 21-10.

Drive 2 vann auk tvenndarleiks Magnúsar fyrsta tvenndarleik, fjórða einliðaleik karla, báða tvíliðaleiki kvenna og þriðja tvíliðaleik karla.

Smellið hér til að sjá úrslit viðureigna Drive 2 og Lillerød 2.

Smellið hér til að sjá stöðuna í riðlinum.

Næsti leikur liðsins er laugardaginn 11. mars gegn liði Drífu Harðardóttur, Hvidovre 2.

 

Skrifađ 1. mars, 2017
mg