Deildakeppni Badmintonsambands Íslands verður haldin helgina 3. - 5. febrúar næstkomandi í TBR húsunum við Gnoðarvog. Keppt verður í þremur flokkum, Meistaraflokki, A- flokki og B-flokki. Keppt er samkvæmt alþjóðlegum reglum um mót sem þessi og skipulagsreglum BSÍ. Tilkynna skal um þátttöku í Deildakeppninni í síðasta lagi klukkan 12 föstudaginn 27. janúar. Skráning skal berast á Excel-formi og taka skal fram nöfn og kennitölur keppenda í styrkleikaröð. Að auki þarf að koma fram nöfn liðanna og nafn fyrirliða. Þátttökugjald á hvert lið er kr. 36.500,-. Smellið hér til að nálgast reglur um Deildakeppni BSÍ.
Smellið hér til að nálgast mótaboð í Deildakeppni BSÍ. Smellið hér til að nálgast skráningarblað á Deildakeppni BSÍ.

Unglingameistaramót TBR var haldið um helgina en mótið var hluti af Reykjavík International Games 2012. Keppt var í öllum greinum í aldursflokkum U13 til U19. Mótið var hluti af Asicsmótaröð Badmintonsambands Íslands og gaf stig á styrkleikalista unglinga. Keppendur frá Færeyjum toku þátt í mótinu og voru sigursælir á mótinu, sérstaklega í yngri aldursflokkum en sigurvegarar á mótinu voru eftirtaldir: Í flokki U13 sigraði Bartal Poulsen frá Færeyjum Andra Snæ Axelsson ÍA 21-10 og 21-9 í einliðaleik hnokka. Gunnva K. Jakobsen frá Færeyjum vann Andreu Nilsdóttir TBR í einliðaleik táta 21-9 og 21-9. Í tvíliðaleik hnokka unnu Færeyingarnir Bartal Poulsen og Brandur Jacobsen Andra Snæ Axelsson og Davíð Örn Harðarson ÍA 21-9 og 21-9. Í tvíliðaleik táta unnu einnig Færeyingar, þær Gunnva K. Jakobsen og Marjun Á Lakjuni en þær sigurðu Andreu Nilsdóttur og Ernu Katrínu Pétursdóttur TBR 21-15 og 21-10. Í tvenndarleik unnu Bartal og Gunnva frá Færeyjum þau Andr Snæ og Hörpu Kristnýju Sturlaugsdóttur ÍA 21-10 og 21-6. Þau Bartal og Gunnva unnu því þrefalt á mótinu. Í flokki U15 vann Pálmi Guðfinnsson TBR Davíð Bjarna Björnsson TBR 21-17 og 21-19 í einliðaleik sveina. Alda Jónsdóttir TBR vann Hörpu Hilmisdóttur UMF Skallagrími 21-14 og 21-19 í einliðaleik meyja. Í tvíliðaleik sveina unnu Davíð Bjarni Björnsson og Kristófer Darri Finnsson þá Davíð Phoung og Vigni Haraldsson TBR 21-10 og 21-15. Í tvíliðaleik meyja unnu Alda og Margrét Nilsdóttir TBR Færeyingana Kristina Eriksen og Sólfríð H. Joensen eftir oddalotu 21-13, 13-21 og 21-14. Í tvenndarleik unnu Kristófer Darri og Margrét Nilsdóttir TBR Davíð Bjarna Björnsson og Öldu TBR eftir oddalotu 22-24, 21-16 og 23-21. Í flokki U17 vann Daníel Jóhannesson TBR Eið Ísak Broddason TBR eftir oddalotu 21-14, 14-21 og 21-17 í einliðaleik drengja. Margrét Finnbogadóttir TBR vann Sigríði Árnadóttur TBR 21-14 og 21-12 í úrlistaleik í einliðaleik telpna. Í tvíliðaleik drengja unnu Daníel og Eiður þá Arnór Tuma Finnsson UMF Skallagrími og Helga Grétar Gunnarsson ÍA 21-17 og 21-16. Í tvíliðaleik telpna unnu Sigríður Árnadóttir og Jóna Kristín Hjartardóttir TBR Margréti Finnbogadóttur og Unni Björk Elíasdóttur TBR 21-14 og 21-14 Í tvenndarleik unnu Sigurður Sverrir Gunnarsson og Margrét Jóhannsdóttir TBR þau Stefán Ás Ingvarsson og Margréti Finnbogadóttur TBR 21-17 og 21-17. Í flokki U19 vann Ólafur Örn Guðmundsson BH Snorra Tómasson TBR 1-15 og 21-9 í einliðaleik pilta. Í einliðaleik stúlkna vann Margrét Jóhannsdóttir TBR Söru Högnadóttur TBR 21-19 og 21-13. Í tvíliðaleik pilta unnu Snorri Tómasson og Stefán Ás Ingvarsson TBR Brynjar Geir Sigurðsson og Ólaf Örn Guðmundsson BH eftir oddalotu 21-14, 19-21 og 21-16. Í tvíliðaleik stúlkna sigruðu Margrét Jóhannsdóttir og Sara Högnadóttir TBR Elisabeth Christensen og Maríu Árnadóttur TBR 21-12 og 21-10. Í tvenndarleik í flokki U19 sigruðu Ólafur Örn BH og Sara TVR þau Snorra Tómasson og Maríu Árnadóttur TBR eftir oddalotu 25-23, 16-21 og 21-12. Smellið hér til að sjá fleiri úrslit á Unglingameistaramóti TBR.

ÍSÍ býður upp á hádegisfund frá kl. 12.00-13.00 miðvikudaginn 25. janúar næstkomandi í E-sal Íþróttamiðstöðvarinnar í Laugardal. Kjartan Páll Þórarinsson frá Þekkingarneti Þingeyinga og Sveinn Aðalgeirsson framkvæmdastjóri Íþróttafélagsins Völsungs á Húsavík munu fjalla um verkefni sem snýr að samningi við iðkendur til að sporna gegn neyslu vímuefna. Kjartan Páll vann athyglisverða skýrslu um verkefnið og eru niðurstöður afar fróðlegar. Í skýrslunni kemur Kjartan Páll inn á árangur og eftirfylgni í tengslum við samninginn sem gerður er milli félags og iðkenda. Hann veltir m.a. upp spurningum í tengslum við ánægju iðkenda og foreldra með samning eins og þennan sem og spurningum um það hversu margir iðkendur halda samninginn. Að loknum fyrirlestri verður opnað fyrir fyrirspurnir og umræður eins og áður á hádegisfundum ÍSÍ. Fundurinn er öllum opinn á meðan húsrúm leyfir. Frekari upplýsingar veitir sviðsstjóri Þróunar- og fræðslusviðs ÍSÍ á vidar@isi.is eða í síma 460-1467.

Ragna Ingólfsdóttir er úr leik á alþjóðlega sænska mótinu eftir tap fyrir Sashina Vignes Waran frá Frakklandi. Ragna tapaði fyrri lotunni 21-17 eftir hnífjafnan leik. Seinni lotan endaði með sigri þeirrar frönsku 21-6. Með því er Ragna fallin úr keppni á alþjóðlega sænska mótinu. Waran er í 63. sæti heimslistans en Ragna í 69. sæti. Ragna keppir næst ásamt landsliði Íslands í Evrópukeppni karla- og kvennalandsliða í Amsterdam í Hollandi 14. - 19. febrúar næstkomandi.

Ragna Ingólfsdóttir vann sinn fyrsta leik á alþjóðlega sænska mótinu í dag. Ragna vann austurrísku stúlkuna Simone Prutsch í tveimur lotum 21-9 og 21-16. Ragna keppir í sextán manna úrslitum á eftir og mætir þá Sashina Vignes Waran frá Frakklandi. Waren sló út Elisabeth Cann frá Englandi sem raðað númer átta inn í mótið. Ragna er í 69. sæti heimslistans en Vignes Waran í 63. sæti. Þær mættust á alþjóðlega tékkneska mótinu fyrir ári síðan og þá vann Waren 21-9 og 21-12. Smellið hér til að sjá niðurröðun og tímasetningar á alþjóðlega sænska mótinu.