Símon Orri Jóhannsson TBR er Íslandsmeistari í einliðaleik karla A.flokki. Hann vann í úrslitum Einar Sverrisson TBR 21 - 16 og 21- 18.
Halla María Gústafsdóttir BH er Íslandsmeistari í einliðaleik kvenna A.flokki en hún vann Sólrúnu Önnu Ingvarsdóttur BH 21 - 12 og 21 - 7.
Haraldur Guðmundsson og Jón Sigurðsson TBR eru Íslandsmeistarar í tvíliðaleik karla A.flokki. Þeir unnu þá Ingólf Ingólfsson og Indriða Björnsson í æsispennandi leik 21 - 19 , 18 - 21 og 21 - 11.
Áslaug Jónsdóttir og Magnea Guðrún Gunnarsdóttir TBR eru Íslandsmeistarar í tvíliðaleik kvenna A.flokki. Þær unnu í úrslitum þær Hrund Guðmundsdóttur Hamar og Þóru Bjarnadóttur TBR 21 - 11 , 20 - 22 og 22 - 12.
Egill Sigurðsson og Magnea Guðrún Gunnarsdóttir TBR eru Íslandsmeistarar í tvenndarleik A.flokki. Þau unnu Einar Sverrisson og Júlíönu Karitas Jóhannsdóttur TBR 21 - 17 og 21 - 18.
Smellið hér til að nálgast frekari úrslit frá Meistaramóti Íslands árið 2018.
Myndir frá mótinu má finna á facebook síðu Badmintonsambands Íslands