Evrópumót smáþjóða

Á morgun, miðvikudag ferðast íslenski hópurinn á Evrópumót smáþjóða sem fram fer í Færeyjum. Mótið hefst á föstudagsmorgun og er spilað til sunnudags. Íslenski hópurinn ferðast svo heim á mánudag.

Það eru níu þjóðir skráðar til leiks en það eru: Kýpur, Færeyjar, Grænland, Ísland, Malta, Liechtenstein, Luxemborg, Gíbraltar og Monaco. Spilað verður í þremur 3ja landa riðlum þar sem tvö efstu liðin fara áfram (tvo beint í undanúrslit og hin fjögur spila um að komast í undanúrslit).

Íslenska liðið er skipað eftirtöldum spilurum:

• Arna Karen Jóhannsdóttir TBR

• Davíð Bjarni Björnsson TBR

• Einar Óli Guðbjörnsson TBR

• Gústav Nilsson TBR

• Hrafnhildur Edda Ingvarsdóttir BH

• Iðunn Jakobsdóttir TBR

• Kristófer Darri Finnsson TBR

• Una Hrund Örvar BH

Þjálfari á mótinu er Sune Gavnholt landsliðsþjálfari.

Tímasetning leikja er ekki komin og munu við birta það um leið og þær upplýsingar berast en hægt er að fylgjast með mótinu hérna: Tournamentsoftware.com - Small States of Europe Badminton Team Championships 2026 - Organization

Við óskum hópnum góðrar ferðar og góðs gengis á mótinu.