North Atlantic Camp fór fram dagana 23.-29. júní

Dagana 23. - 29. júní fóru fram æfingabúðirnar North Atlantic Camp (NAC) sem er samstarfsverkefni Íslands, Færeyja og Grænlands. Í ár voru æfingabúðirnar haldnar hér á Akranesi. Badmintondeild ÍA tók að sér að sjá um allt utanumhald í kringum æfingabúðirnar og þökkum við þeim virkilega vel fyrir. 12 íslenskir leikmenn úr U17 og U15 voru valdir til að taka þátt í búðunum. Pontus Rydström var þjálfari búðanna og sá um allar æfingar. Hann náði vel til allra og stóð sig mjög vel. Pontus kemur frá Svíþjóð og er að þjálfa í Malmö Badmintonklub. Pontus var áður þjálfari ÍA fyrir nokkrum árum og þekkir því vel til hér á Íslandi. Kjartan Valsson aðstoðarlandsliðsþjálfari kom einnig sem gestaþjálfari.

Dagskrá æfingabúðanna var mjög fjölbreytt þar sem mikil áhersla var lögð á tækni, fótaburð og taktík. Spilaðir voru margir leikir og haldnar ýmsar keppnir. Þá voru haldnir tveir fundir þar sem farið var yfir myndgreiningar (video analyzis) en einnig var farið í sundferðir og dagsgöngu á Grábrók (Paradísarlaut).

Æfingabúðirnar heppnuðust mjög vel og mikil ánægja hjá öllum. Íslenski hópurinn stóð sig vel og var til mikillar fyrirmyndar. Eftirtaldir leikmenn tóku þátt í þessu verkefni :

• Anna Bryndís Andrésdóttir UMFA

• Ástþór Gauti Þorvaldsson TBR

• Emil Víkingur Friðriksson TBR

• Eva Ström UMFA

• Hákon Kemp BH

• Hilmar Karla Kristjánsson BH

• Laufey Lára Haraldsdóttir BH

• Lilja Dóróthea Theodórsdóttir TBR

• Magnús Bjarki Lárusson TBR

• Rebekka Einarsdóttir Hamar

• Úlfur Þórhallsson Hamar

• Þórdís Edda Pálmadóttir TBR