Íslandsmót unglinga er um helgina

Íslandsmót unglinga verður í TBR um helgina. TBR heldur mótið þetta árið í samstarfi við Badmintonsamband Íslands.

Mótið hefst laugardaginn 11. mars klukkan 10 með leikjum í fyrstu umferð í tvenndarleik. Spilað verður fram í undanúrslit á laugardaginn í öllum greinum nema einliðaleikjum en áætluð lok dagsins er um klukkan 17.

Flokkur U11 hefur keppni klukkan 11:00 á sunnudeginum. Leikir flokksins eru ekki tímasettir en fyrst er keppt í einliðaleik og svo tvíliðaleik, óháð kyni.

Á sunnudeginum hefst keppni klukkan 9 með undanúrslitaleikjum í einliðaleik. Smellið hér til að sjá niðurröðun og tímasetningar mótsins. Áætluð mótslok er um klukkan 15 á sunnudeginum.

Keppendur eru 138 talsins frá 10 félögum, Aftureldingu, BH, Hamri, ÍA, KR, TBR, TBS, Samherjum, UMFS og UMF Þór. Spilaður verður 271 leikur um helgina.

Mótsstjóri er Róbert Þór Henn og aðrir í mótsstjórn eru Árni Gestur Sigfússon, Sigfús Ægir Árnason og Margrét Gunnarsdóttir.

Athugið að tímasetningar geta breyst og mótið verður keyrt áfram eins og hægt er.

Prúðasta liðið fær bikar í lok mótsins.

 

Skrifað 8. mars, 2017
mg