Mila tekur þátt á Evrópumóti

Evrópumót heyrnalausra ungmenna fer fram í Hannover í Þýskalandi. Keppt er í 10 íþróttagreinum og er badminton ein af þeim. Mótið hófst sunnudaginn 16.ágúst með keppni í Futsal og lýkur laugardaginn 22.ágúst í öllum greinum ásamt lokaathöfn.

Mila Dovydaityte er 14 ára gömul og æfir hjá TBR. Hún mun keppa í badminton á mótinu í U17 ára flokki sem eru ungmenni fædd 2010-2012. Keppnin hefst á morgun, fimmtudag en hún ferðaðist til Hannover í gær, þriðjudag.

BSÍ óskar Milu góðs gengis á mótinu og góðrar skemmtunar. Meðfylgjandi mynd var tekin af henni á Keflavíkurflugvelli við brottför.