RSL BEC Sumarskóli Evrópu

Í dag hófst ferðalagið hjá fjórum iðkendum til Vejen í Danmörku til að taka þátt í Badmintonskóla Evrópu. Skólinn hefst á morgun, sunnudag og er til sunnudagsins 12.júlí.

Skólinn fer fram árlega í júlímánuði og þar koma iðkendur frá flestum Evrópuþjóðunum og æfa saman ásamt því að eiga skemmtilegar samverustundir utan æfinga.

Fjórir iðkendur frá Íslandi taka þátt í skólanum en það eru Erik Valur Kjartansson, Lilja Dórótea Theodórsdóttir, Lúðvík Kemp og Sebastían Amor Óskarsson. Fararstjóri í ferðinni er Óskar Þórðarson.

Við óskum krökkunum góðrar ferðar og skemmtunar.