Heil umferð fór fram í dönsku deildinni um helgina. Magnús Ingi Helgason spilar með Drive 2 en félagið spilar í 3. deild en deildin er spiluð í fjórum átta liða riðlum. Fimmti leikur liðsins var gegn SAIF Kbh. 2 á laugardaginn. Lið Drive 2 vann 8-5.
Magnús Ingi lék fyrsta tvenndarleik og þriðja tvíliðaleik karla fyrir lið sitt. Tvíliðaleikinn lék hann með Mads Prangsgaard gegn Per Christophersen og Kim Hansen. Magnús og Prangsgaard unnu 22-20, 21-17. Tvenndarleikinn lék Magnús með Lea Elm Jensen. Þau mættu Mathias Ankersen og Nadine Winckler Mork. Magnús og Jensen unnu 21-14, 21-18.
Drive 2 vann auk viðeigna Magnúsar báða einliðaleiki kvenna, annan og fjórða einliðaleik karla og báða tvíliðaleiki kvenna. Smellið hér til að sjá fleiri úrslit viðeignarinnar.
Eftir þessa fimmtu umferð þriðju deildar er Drive enn á toppnum. Smellið hér til að sjá stöðuna í riðlinum.
Næsti leikur Drive 2 er laugardaginn 9. desember gegn Ølstykke.